დილით, 7-იდან 8-ის ნახევრამდე სირბილით ყველაზე მეტ კალორიას დაწვავთ – როგორ ვირბინოთ სწორად


დილით, 7-იდან 8-ის ნახევრამდე სირბილით ყველაზე მეტ კალორიას დაწვავთ - როგორ ვირბინოთ სწორად

 

ერთ-ერთი ყველაზე პოპულარული გადაწყვეტილება, რომელსაც ქალბატონები ზაფხულის დადგომასთან ერთად ვიღებთ, დილით ან საღამოს სირბილია. 

მაგრამ ძალიან ცოტამ თუ იცის ის, თუ როგორ აკეთოს ეს სწორად, რათა მიაღწიოს სასურველ შედეგს და დაკარგოს ზედმეტი კილოგრამები. 

ალბათ, ყველას გვახსოვს სასკოლო ფიზკულტურა, სადაც შორ მანძილზე სირბილი ყველას ტანჯვა-წამებად მიგვაჩნდა. ამიტომ პირველივე დღეს რომ არ დავკარგოთ სირბილის სურვილი, “და ქალი”მოგვითხრობს, თუ როგორ უნდა ვირბინოთ სწორად.

დრო 

6:30-იდან 7:30ამდე კუნთის აქტივობის პირველი პიკი. თუ სირბილს დილაობით გადაწყვეტთ, სწორედ ეს დროა იდეალური, რადგან ორგანიზმი ამ დროს ზედმეტი გადატვირთვის გარეშე ხარჯავს კალორიებს.

11:00-იდან 12:00-ამდე კუნთის აქტივობის მეორე პიკი. ეს პერიოდიც ერთ-ერთ საუკეთესო დროდ ითვლება სირბილისთვის. განსხვავება კი მხოლოდ ის არის, რომ ამ პერიოდისთვის ორგანიზმი უკვე სრულადაა გააქტიურებული და ინტენსიურად წვავს კალორიებს, რაც შედარებით მეტ დატვირთვას მოითხოვს.

16:00-იდან 18:00ამდე კუნთების აქტივობის მესამე პიკი. ამ დროს ორგანიზმი ხარჯავს იმ კალორიებს, რომლებიც დაგროვილია ცხიმოვან ქსოვილში, რაც ხელს უწყობს დასუსტებას.

სასურველია, ირბინოთ ცარიელ კუჭზე. ჭამიდან, მინიმუმ, ორი საათის შემდეგ, რადგან ასეთ დროს ნახშირწყლების უმეტესობა უკვე დახარჯულია, რის გამოც უფრო სწრაფად ხდება ცხიმების დაშლა და შესაბამისად, სწრაფადაც დაიკლებთ.

სირბილის ტემპი და ინტენსიურობა 

ორგანიზმი ენერგიას სირბილის პირველ 40 წუთში ხარჯავს. ამ დროს ხდება ნახშირწყლების დაწვა. ხოლო 40 წუთის შემდეგ უკვე იწყება ცხიმების დაშლა, რომელიც უფრო მეტ ენერგიას საჭიროებს. ამიტომ გახსოვდეთ, რომ საჭიროა ირბინოთ არანაკლებ ერთი საათისა და მინიმუმ 3-ჯერ კვირაში. 

იმისათვის, რომ მაქსიმალურად დაწვათ კალორიები და დაიკლოთ წონაში, ირბინეთ ჩქარი და ნელი ტემპის მონაცვლეობით. ასეთ შემთხვევაში, გადაღლის გარეშე, საათში 350-500 გრამს მოიკლებთ.

პოზა

სირბილისას ერთ-ერთ მნიშვნელოვან საკითხს პოზა წარმოადგენს. სასურველია, თავი გეჭიროთ სწორად, მხრები მოშვებული, ხელები იდაყვებში მოხრილი, ტერფი კი დადგით ჯერ ქუსლზე და შემდეგ გადადით ცერზე.

სუნთქვა 

ისუნთქეთ ცხვირით და ნახევრად ღია პირით – სირბილის დაწყებისას ღრმად და იშვიათად, აჩქარებისას კი სუნთქვაც გაახშირეთ. სუნთქვის თვლა შემდეგნაირია: 2-3 ნაბიჯზე შესუნთქვა და 2-3 ნაბიჯზე ამოსუნთქვა.

სამოსი 

სპორტული სამოსი უნდა იყოს თავისუფალი და არ უნდა ზღუდავდეს მოძრაობას. სასურველია, ზაფხულში ატაროთ ღია ფერის სამოსი, რათა არ მიიზიდოთ მზის ზედმეტი ენერგია. ცივ და ქარიან ამინდში ეცადეთ, ჩაიცვათ შედარებით თბილად. 

განსაკუთრებული ყურადღება კი ცივ ამინდში კისრისა და თავის მიდამოს მიაქციეთ, რადგან ზუსტად ამ მიდამოებზე მოდის სხეულის სითბოს 40%-ის დაკარგვა.

სითხის მიღება 

სირბილის დროს აუცილებელია სითხის მიღება, რადგან ამ დროს ორგანიზმი ხარჯავს 4-ჯერ მეტ სითხეს, ვიდრე ზოგადად. ამიტომ არ დაგავიწყდეთ, სირბილის დროს ყოველთვის თან იქონიოთ სასმელი.

10 მეთოდი დღეში 100 კალორიის მოსაკლებად


10 მეთოდი დღეში 100 კალორიის მოსაკლებად

 

ყოველდღიური რაციონის 100 კკალ-ით შემცირებას დიეტას ვერ ვუწოდებთ, თუმცა ეს არსებითად გაგიუმჯობესებთ ჯანმრთელობას და ზედმეტი წონისგანაც გაგათავისუფლებთ. 
1. 15 წუთის მანძილზე იცეკვე ნებისმიერ მუსიკაზე.

2. 10 წუთის განმავლობაში ირბინე.

3. შეიძინე სახტუნაო და 10 წუთი იხტუნავე.

4. შეცვალე საყვარელი შოკოლადი ბანანით.

5. მიალაგე ყოველდღიურად სახლი.

6. 30 წუთი დაკავდი იოგათი.

7. ახლომახლო მარკეტებში იარე ფეხით.

8. კომპოტის, წვენისა და ღვინის ნაცვლად სადილად წყალი მიირთვი. 

9. ტრანსპორტიდან 1-2 გაჩერებით ადრე ჩამოდი და სახლამდე ფეხით გაისეირნე.

10. პურზე კარაქის ნაცვლად ჯემი წაისვი.

მუცლის სწრაფად მოშორების საოცარი მეთოდი პირსახოცით – იაპონელი ექიმის უნიკალური აღმოჩენა


სწრაფი და ეფექტური გახდომა – ზღაპრად და მითად წარმოგვიდგენია, თუმცა, აი, უკვე ათეული წელია, იაპონელი ექიმი ფუკუცუძი ქალებს უმოკლეს დროში წონის მოცილებაში ეხმარება და ეს ყოველგვარი დიეტის, გამთანგავი ფიზიკური ვარჯიშისა და ფულის ხარჯვის გარეშე ხდება. 

იხილეთ ვიდეო

თქვენ ალბათ იტყვით, უფასო და სწრაფი გახდომა ზღაპარიაო. არ არის ასე!

მეთოდი, რომელიც იაპონელმა თავის წიგნში აღწერა, აზიაში 6-მილიონიან ტირაჟად გაიყიდა. წიგნში მოთხრობილი მეთოდისთვის დაგჭირდებათ მხოლოდ დიდი პირსახოცი, მყარი, მსხვილი ძაფი, ჰორიზონტალური ზედაპირი და დღეში 5 წუთი.

მეთოდის არსი იმაში მდგომარეობს, რომ რამდენიმე წუთის განმავლობაში თქვენ წევხართ სწორ ზედაპირზე და წელის ქვეშ ამოდებული გაქვთ რულონივით დახვეული პირსახოცი. შედეგად მუცელი ქრება. რამდენიმე სანტიმეტრად დახვეულ პირსახოცზე წოლისას წინ წამოიწევს მკერდი, სწორდება ხერხემალი და სიმაღლეც კი გემატებათ. თუმცა ყველაფერზე თანმიმდევრობით მოგიყვებით…

მთელი რიგი ექსპერიმენტების ჩატარების შემდეგ ექიმმა ფუკუცუძიმ თავისი ჰიპოთეზის მართებულობა დაამტკიცა და შეიმუშავა ვარჯიში სწრაფად გასახდომად. თუმცაღა, ამას ვარჯიშს ვერც ვუწოდებთ. 


მაშ ასე, თავდაპირველად მჭიდროდ დაახვიეთ პირსახოცი. შემდეგ შემოახვიეთ მას თოკი ან მსხვილი ძაფი (გამოდგება ლენტიც). თუ წელის ტკივილები გაწუხებთ, შედარებით თხელი პირსახოცი აიღეთ.

ახლა იდეალურად სწორ ზედაპირზე (რბილი საწოლი და დივანი ამისათვის არ გამოდგება, უმჯობესია, იატაკზე დააფინოთ პლედი ან სავარჯიშო ლეიბი) დახვეული პირსახოცი ამოიდეთ წელის ქვეშ. უფრო კონკრეტულად კი…

ფრთხილად ვწვებით ზურგზე, ხელით გვიჭირავს პირსახოცის მუთაქა, რომელიც ზუსტად ჭიპის გასწვრივ უნდა იდოს! ეს მნიშვნელოვანია! ვამოწმებთ პოზის სისწორეს, საჩვენებელი თითით ჭიპიდან პირსახოცის რულონამდე ვხაზავთ წრეს…


მოდუნდით.
ფეხები მხრების სიგანეზე გაშალეთ და ფეხის წვერები შეართეთ ისე, რომ ერთმანეთს მხოლოდ დიდი თითები ეხებოდეს. 


ხელები წაიღეთ თავს უკან, ხელისგულები ქვემოთ უნდა იყოს მიმართული, ნეკა თითები კი – შეერთებული. დააკვირდით! მთავარია, რომ ფეხების ცერა თითები და ხელების ნეკები ერთმანეთს ეხებოდეს. 


სულ ეს არის! ამ პოზაში უნდა იწვეთ 5 წუთი.
მარტივია?
ძალიან! თუმცა ერთი სირთულე მაინც არსებობს. თუ თქვენ ყველაფერს სწორად გააკეთებთ, თქვენი ჩონჩხი მაშინვე მიიღებს მისთვის ბუნებრივ ფორმას. და ეს პროცესი შესაძლოა, მტკივნეული იყოს. თუ თქვენ გაგიჭირდათ 5 წუთი ამ პოზაში გაჩერება, დაიწყეთ ჯერ ორი წუთიდან და ყოველდღე მოუმატეთ დრო, მაგრამ საბოლოო ჯამში, სწორედ 5 წუთი უნდა დაჰყოთ ამ პოზაში. და არ უნდა გამოტოვოთ არცერთი დღე, თუ გსურთ, რომ შედეგი მართლაც მიიღოთ. 


თავისი არსით, ეს მეთოდი გაჭიმვის ერთ-ერთი სახეობაა. თუმცა ამ დროს არა მხოლოდ კუნთები იჭიმება, არამედ ჩონჩხიც. 

თუ პირსახოცის რულონს მკერდის გასწვრივ, ბეჭებქვეშ ამოიდებთ, მკერდი ნელ-ნელა წინ წამოიწევს და ლამაზ ფორმას მიიღებს. თუ პირსახოცს თეძოების ქვეშ ამოიდებთ, წელის ხაზი უფრო გამოიკვეთება და მოხდენილი გახდება.

თუნდაც არ დაიჯეროთ ამ მეთოდის ეფექტურობის, ღირს მოსინჯვა იმის მაგივრად, რომ ყლაპოთ ათასი ტაბლეტი ვითომდა სწრაფად გახდომისთვის. 

ეს მეთოდი ერთ კვირაში იძლევა შედეგს, მაგრამ როგორც პრაქტიკიდან ჩანს, გოგონებმა პირველივე მეთოდზე მოიკლეს წელზე 4 სანტიმეტრამდე და მოიმატეს სიმაღლეში 1 სანტიმეტრი. თუმცა, ყველაფერი მაინც ინდივიდუალურია და რა სისწრაფით მიიღებთ თქვენ შედეგს, ამას თავად ნახავთ. 

მაგრამ ერთს კი ირწმუნება ვარჯიშის შემქმნელი: მეთოდი აბსოლუტურად უსაფრთხოა. მაშინ რატომ არ უნდა ვცადოთ? 

რჩევები: 

კარგი იქნება, თუ პირველ ჯერზე ვინმე გააკონტროლებს თქვენი პოზისა და პირსახოცის მდებარეობის სისწორეს.

საათი დადეთ ისეთ ადგილას, რომ ხედავდეთ.

5 წუთის გასვლის შემდეგ ფრთხილად გადაგორდით პირსახოცის რულონიდან და 1 წუთის განმავლობაში იწექით.

შემდეგ წამოჯექით ფრთხილად და კიდევ 1 წუთი დაჰყავით ამ მდგომარეობაში. ფრთხილად, აუჩქარებლად ადექით. შეიძლება გაგიჭირდეთ.

3 წუთში ჩიტივით იქნებით.

თუ ვარჯიშს ძილის წინ გააკეთებთ, ჩვილივით დაგეძინებათ. 

თუ დილით გააკეთებთ, მთელი დღე ენერგიულად და მსუბუქად იგრძნობთ თავს.

მკვრივი უკანალი ცელულიტის გარეშე, დღეში მხოლოდ 2 ვარჯიშით!


მკვრივი უკანალი ცელულიტის გარეშე, დღეში მხოლოდ 2 ვარჯიშით!

 
 
 
 
 
 
 
ცელულიტი და მოშვებული კანი ნივთიერებათა ცვლის დარღვევისა და ცხოვრების პასიური წესის შედეგია. 

თუ სწორ კვებას ამ ორ არცთუ ისე რთულ ვარჯიშსაც შეუხამებთ, სულ მალე გაიმკვრივებთ სხეულს (განსაკუთრებით კი, უკანალს) და ყველაზე პრობლემურ ზონებში ცელულიტისგან კვალიც არ დაგრჩებათ. 
მაშ ასე:

ვარჯიში პირველი:

დადექით კიბის საფეხურთან ან მყარი მუყაოს ყუთის წინ (შეგიძლიათ, რამდენიმე ერთად დადებული წიგნიც გამოიყენოთ საფეხურად). მარცხენა ფეხით ადით საფეხურზე და მყარად დაეყრდენით ზედაპირს, ხოლო მარჯვენა ფეხით იატაკზე დარჩით, ოღონდ ოდნავ მოხარეთ ეს უკანასკნელი. ჩამოდგით ფეხი კიბიდან და ახლა მარჯვენათი ადით. გაიმეორეთ 12-ჯერ თითო ფეხისთვის. გააკეთეთ დღეში 3-ჯერ. 

ვარჯიში მეორე:

დაწექით გულაღმა და ფეხები მუხლებში მოხარეთ, ხელისგულები იატაკზე დაააწყვეთ. დაეყრდენით ხელებს და ასწიეთ წელი ისე, რომ მუხლიდან კისრამდე სხეულმა სწორი ფორმა მიიღოს (ისე, როგორც ნახატზეა ნაჩვენები), დაყოვნდით ამ პოზაში 5 წამი და დაუბრუნდით საწყის მდგომარეობას. ასე აიწიეთ 15-ჯერ. ვარჯიში შეასრულეთ დღეში 3-ჯერ. 

17 ჯანსაღი ჩვევა, რომელიც აუცილებლად უნდა გამოიმუშაო


ზოგიერთი ჩვევა მანამდე უნდა შეიძინო, სანამ ჯერ კიდევ ძალიან ახალგაზრდა ხარ. შემდეგ კი მთელი ცხოვრება უნდა მისდიო მათ. ჩვენ გთავაზობთ 17 ჩვევას, რომელიც უნდა გამოიმუშაო.

Healthy Lifestyle

1. იპოვე ვარჯიშის ის სახეობა, რომელიც სიამოვნებას განიჭებს – ვარჯიში კარგად აისახება შენს ხასიათზე, ძილზე და ფიგურაზე. იმისთვის, რომ რეგულარულად ივარჯიშო, საჭიროა, ვარჯიშის იმ სახეს მიაგნო, რომლის გაკეთებაც არასოდეს დაგეზარება. სცადე სირბილიიოგა,პილატესიცეკვა და აირჩიე ერთ-ერთი ან რამდენიმე.

2. დალიე მეტი წყალი – საჭირო რაოდენობით წყლის მიღება არამარტო შენს სხეულზე, არამედ შენს ხასიათზეც აისახება.

3. თავი დაანებე მოწევას – სიგარეტის მოწევა შენს ფილტვებს კიბოს რისკის ქვეშ აყენებს. ის აზიანებს ტვინს და ცუდად მოქმედებს ნივთიერებათა ცვლის პროცესზე.

4. შეარჩიე სწორი კონტრაცეპტივი – თუკი დაორსულებას არ გეგმავ, ჯობია ექიმს ესტუმრო და შენზე მორგებული კონტრაცეპცია აარჩიო.

5. დალიე ზომიერად – ეცადე ალკოჰოლი ყოველდღიური ცხოვრების წესად არ გექცეს. დატვირთული სამუშაო დღის შემდეგ ალკოჰოლი მოდუნებაში გვეხმარება, მაგრამ ეცადე მისი რაოდენობა შეზღუდო და მხოლოდ დაბადების დღეებზე, წვეულებებზე ან სხვა ღირსშესანიშნავ დღეებში დალიო.

Healthy Eating

6. გააკეთე ჯანმრთელობის დაზღვევა – ჯობია სიფრთხილე დაიცვა და შენს ჯანმრთელობასთან დაკავშირებულ სამომავლო პრობლემებზე ახლავე იზრუნო.

7. ისწავლე, როგორ მოამზადო საკვები – თუ დიასახლისობას არ აპირებ, რამდენიმე გემრიელიკერძის მომზადება მაინც უნდა იცოდე. შენივე მომზადებული საკვები მიღებული კალორიების კონტროლშიც დაგეხმარება.

8. გაეცანი ოჯახურ დაავადებებს – შენი ჯანმრთელობა დიდწილად შენს გენეტიკურ დაავადებებზეა დამოკიდებული. ამიტომ არ მოგერიდოს გაარკვიო, რა დაავადებები აწუხებდათ შენს ბებია-ბაბუებს და სხვა ნათესავებს.

9. ჩაიტარე რეგულარული გამოკვლევები – გინდა, რომ შენი ჯანმრთელობა აკონტროლო? მაშინ ექიმს რეგულარულად მიმართე, მიუხედავად იმისა, გაწუხებს თუ არა ტკივილი.

10. გქონდეს მეტი სექსი – აქტიური სქესობრივი ცხოვრება სტრესთან ბრძოლაში, მოდუნებასა და გუნება-განწყობის ამაღლებაში დაგეხმარება.

Sex Couple

11. გქონდეს უსაფრთხო(!) სექსი – ვენერიულმა დაავადებებმა შესაძლოა უნაყოფობა და სხვა სერიოზული დაავადებები გამოიწვიოს. შენს პარტნიორსაც სთხოვე, რომ აუცილებლად ჩაიტაროს გამოკვლევა.

12. მიიღე მეტი ვიტამინი საკვები პროდუქტებიდან – ცხოველქმედებისთვის აუცილებელი ვიტამინებისა და მინერალების ტაბლეტების სახით მიღებას სჯობს ისინი ხილიდან და ბოსტნეულიდან მიიღო.

Healthy Diet

13. მიაქციე ყურადღება შენს გონებრივ მდგომარეობას – იქნება ეს სტრესი თუ დეპრესია, შენ აუცილებლად უნდა მიაქციო ყურადღება ამ პრობლემას. მას იქამდე გაუმკლავდი, სანამ შენს კეთილდღეობაზე უარყოფითად აისახებოდეს.

14. თავი დაანებე ექსტრემალურ დიეტებს – ექსპერტების აზრით, კვირის განმავლობაში დასაკლები წონა 1 კილოგრამს არ უნდა აღემატებოდეს. ეს კალორიების 500-1000 კკალ-ით შემცირებას ნიშნავს. ამგვარი დიეტისთვის დღეში 1500 კკალ უნდა მიიღო და რეჟიმში ვარჯიშიც შეიტანო.

15. ხშირად ისეირნე – ბუნებაში ხშირი გასვლა ბედნიერების, ჯანმრთელობის და კრეატიულობის საწინდარია.

Happy Girl

16. მოწყდი ტექნიკას – ტექნიკასთან რეგულარულ ურთიერთობას ძილის პრობლემების გამოწვევა შეუძლია. ზოგჯერ გამოეთიშე ინტერნეტს და შენი მობილური ტელეფონიც მხოლოდ აუცილებლობის შემთხვევაში გამოიყენე.

17. დაუთმე ძილს 7-8 საათი – ცოტა ძილი შენს ენერგიაზე და ქმედუნარიანობაზე უარყოფითად აისახება. შეგიძლია ჩვენი სილამაზის რჩევებიც გაითვალისწინო და ძილში გატარებული დრო უქმად არ დაკარგო.